WIFE TELL COURT TO SKATA HER MARRIAGE BASE ON SE HER HUSBAND STOP TO PRAY

Spread the love

Wey you hear reason wey dey make some pipo ans for divorce, you go thank God if you never marry yet. One house wife for Kaduna state, Shamsiya Muhammad, on Wednesday tell Sharia Court for Magajin Gari, Kaduna State, to epp skata her 6years marriage to her husband, Sani Adamu, base on se di husband don stop to pray.

She yarn di court say no need for di marriage to continue, she say not only say di man refuse to pray, but he dey also insult her papa and full family any time dem get small yawa. Di woman wey get 2 pikin for di man, tell di court say di man pay N40,000 for her bride price, she say she wan return di money so dat she go free from di man, according to Sharia law.

Di man deny say for im life, he never insult di wife papa or family before, he also say he dey pray di 5 times a day wey he suppose to pray as a muslim, he tell di court se he still love di wife, make di court give am small time, to settle with di woman.

Di court adjourn di case to September 30, make di wife for go arrange di 40k return back to di husband.

Shortlink http://q.gs/EyTsu

You're currently offline