WATSH CHINESE MAN USE NOSE BLOW AIR INTO 12 TYRE TUBES IN 2MIN 30SEC TO SET WORLD RECORD

Spread the love

We nor sure wetin dis 43 years Chinese guy, Tang Feihu, dey chop to get dis type energy, but di guy use one of his nostril blow air into 12 tyre tubes at di same time.

Di gist be like film trick, but nor be trick at all, di guy for one event for Nanjiang Grand Canyon, set dis world record. He fess blow air into 10 tyres at one for 2 minutes, 39 seconds, na so everybody clap for di guy, den he rest for about 5minutes, den he tell dem to add 2 more tyres, making 12, den he blow di 12 in 2minutes, 30 seconds.

Tang Feihu according to gist for Oddity, na martial arts guy wey dey use his martial arts stunts dey perform for Nanjiang Grand Canyon scenic spots to raise money from tourist, he get di inspiration to perform dis tyre stunt, from videos wey he see online, den he call London-base World Record Certification Agency (WRCA), to see his stunt and give am award.

You're currently offline