WAEC DEPUTY REGISTRAR DENY BUHARI CAMBRIDGE CERTIFICATE

Spread the love

Deputy Registrar of West African Examination Council, aka WAEC, oga Oshindehinde Adewumi, Wednesday, yarn Presidential Election Petition Tribunal for Abuja, deny di kpalie, wey we Presido, Muhammadu Buhari dey use as im WAEC kpalie.

Oga Adewumi confirm give di Tribunal say yes na true say Buhari write di WAEC exam of 1961, he say na 18 candidates write di exam dah year, and Buhari na number two for WAEC register. Adewumi wey appear for di Tribunal as one of Buhari witness, under cross-examination, yarn say he nor fit confirm Buhari “Cambridge Assessment International Certified Statement Of West African School Certificate issued in 1961,” di same kpalie wey Buhari remit as exhibit R-21.

He yarn di tribunal say he nor fit confirm certificate, wey his name or signature or even WAEC name sef, nor dey, he say di certificate wey Buhari get kari di name “Cambridge Assessment International Certified Statement” and dat nor be from WAEC, but he agree say WAEC kolabo with University of Cambridge for dat exam dah year.

Shortlink http://q.gs/EvqeG

You're currently offline