US EMBASSY DON TOP DI MONEY WEY NIGERIANS GO PAY FOR US VISA FEE

Spread the love

Warri go say “first to do nor dey pain, but second to do, di eye go red.” Dis na exactly wetin US Embassy for Naija don do to Naija citizens, as we government nor wan behave diasef and reduce wetin dem dey charge US citizens, wen dem apply for Naija Visa.

According to di statement wey Public Affairs Section of US Embassy drop today Tuesday, dem say dem don introduce wetin dem call “reciprocity” fee, on top wetin Nigerians go pay, as part of Visa fee, wen we apply for non-immigrant visas to US.

Dem say since 2018 nai Naija Government, increase wetin dem dey charge American citizens, wey wan visit Naija, and since dat time, early 2018, dem dey try reason with Naija Govt. to reduce wetin dem dey charge Americans, but we Govt. nor wan gree behave, so dem gat to also increase wetin dem dey charge Nigerians too. Dem say di money wey Americans dey pay to visit Naija, plenty pass wetin Nigerians dey pay to visit Yankee, so di reason for dis reciprocity, wey dem go start to charge Nigerians from August 29, na to balance di equation.

Dis new reciprocity fee, actually na for only doz wey US Embassy grant visa to enter Yankee go pay am, so if dem deny you, no need to fear, you nor go need to pay. And di fee varies fon different class of visas.

https://t.co/82SlkZ2Z1d?amp=1

 

Shortlink http://q.gs/ExB82

You're currently offline