UK COURT DON GRANT NAIJA GOVT. LEAVE TO APPEAL DI $9.6BILLION P&ID CASE

Spread the love

Di gods of awa ancestors wey understand say Naija broke, don answer awa prayers, base on se UK court don grant Naija Government permission, to appeal di court judgement wey award Process and Industrial Developments, aka P&ID Ltd, $9.6billion, for di failed gas contract with Naija Ministry of Petroleum.

P&ID drag Naija government go court for UK, after di gas contract fail, di court award $9.6billion in favour of di company as damages, as since after di court case, base on se di court order di company to take ova any Naija assets for any part of di world, Naija Government don dey grumble since like politician wey lost election say dem go appeal di case, and di court don grant us permission to appeal di case.

We minister of Justice, Abubakar Malami, for di press briefing for London, break di news say di court don grant Naija application to appeal di case against P&ID.

With dis new development, e mean say P&ID for now, go press pause, dem nor go take ova Naija assets, base on se di court go re-visit di case.

Shortlink http://q.gs/EyvaL

You're currently offline