SSS USE PEPE SPRAY AND GUN CHASE PIPO WEY GO PROTEST FOR DI RELEASE OF SOWORE

Spread the love

Nor be small action film happen today for SSS head office for Abuja, as Deji Adeyanju lead oda protesters, go hold ground for SSS office, make dem for free di leader of #RevolutionNow protest, Omoyele Sowore, days after Sowore meet di bail conditions, wey court give him and anoda protester, Bakare.

Deji and im guys kack for one corner dey sing freedom songs, with dia cardboard papers with dem hold, wey SSS guys, drive enter where dem dey dey form ‘James Bond’, faya gun, tear gas and pepe spray every, in di process, dem beat and wounjour both journalist and protesters.

Deji wey address journalist after di protest, yarn say pipo wey get power, threaten am at gun point, give am N1,000,000, a day before di protest, make he nor kari on with di protest. But dat nor stop am and oda protesters from di protest, he nor tell us who give am di money, but he say make di pesin con kari di money, if not, he go hand ova di money give Falana, as part of Sowore legal fees.

 

Shortlink http://q.gs/F1by2

You're currently offline