SOME PANYA IPOG GUYS ATTACK SEN. IKE EKWEREMADU FOR GERMANY

Spread the love

Some Nnamdi Kanu, IPOB (Indigenous People of Biafra), boys wey nor get respect, attack and almost panelbeat former Deputy Senate Presido, Senator Ike Ekweremadu, for Nuremberg, Germany, wey he bin go attend one Ohanaeze Ndigbo programme.

We nor sure exactly wetin Sen. Ekweremadu crime be wey let di panya guys attack am, but di IPOB leader, Nnamdi Kanu nor waste time to give di guys wey attack Ekweremadu accolades for di post wey he share on top Twitter, he also warn some oda Ibo politicians and Guvnors se make dem ready o, base on se hand go soon meet dem.

Meanwhile, Ohanaeze Ndigbo, leaders of National Assembly, PDP, APC, Presedency and some oda pipo wey get sense, don blast IPOB for dis attack on Ekweremadu, dem call on Germany authorities to make sure se dem arrest and deal with pipo wey attack Ekweremadu.

Shortlink http://q.gs/Ewl7Y

You're currently offline