SHIITE SAY POLICE KPAI 3 OF DIA MEMBERS DURING ASHURA PROCESSION, BUT POLICE SAY DEM DEY LIE

Spread the love

El-Zakzaky Islamic Movement in Nigeria guys, dey claim say police kpai (kill) three of dia members, during dia Ashura procession on Tuesday for Kaduna state, but police say make we nor mind dem, say na rubbish dem dey talk.

Police give warning to di members of di group make dem nor protest, base on se court order don declare di group as terrorist, but dem nor hear word, as dem come out to do dia annual Ashura procession.

Di tori man for di group, Ibrahim Musa, dey claim say as dem hold dia peaceful procession for Bakin Ruwa area, for Western by-pass for Kaduna, police burst dem, kpai three of dia members.

But Kaduna sate police command, through dia tori man, DSP Yakubu Sabo, say na rubbish di Shiite guys dey talk, he say nothing like dat happen, he say di Shiite guys dey only try to make pipo sorry for dem.

Shortlink http://q.gs/Ey00q

You're currently offline