Former Super Eagles skippo and coachy, Samson Siasia, say he don appeal di life ban, wey FIFA put on top of im head, for matsh fixing scandal.
Siasia, yarn tori guys for Abuja on Wednesday, say, he don appeal di ban to both FIFA and Court of Arbitration for Sports (CAS). He say for im life, all throughout im career as player and coachy, he never try run any dagbo package.
He say he nor fit talk much, but di same way we hear about di ban, na so we go still hear about di out come of di court case. He say dis na trying times for im life, at a time wey he dey struggle to release im mama, wey bad guys kidnap a second time, na di news break, he thank everybody wey show am support, he beg us to continue to pray for im and im family.