Protesters on Monday gada like bee for National Stadium Surulere, to start di ‘Revolution Now’ protest, to take demand for good governance for Naija. Police and oda security guys, dey on ground to welcome di Lagos protesters, wey gada for di Surulere venue of di protest.
Police faya tear gas to chase di protesters away, as di protesters dey run and try to take cover, some of dem wounjour, police arrest some of di protester, and throwey dem inside black-maria van, dem also arrest one journalist with Sahara Reporters.
Di organisers of di protest, for di press release wey dem do, vow to continue di protest, dem plan to relocate di protest to Freedom Park for Ojota, on Tuesday. Di protest also hold for Abuja, and some oda states for di kontri.