POLICE SAY DI ARMY CAPTAIN WEY ORDER SOJAS TO KPAI POLICE GUYS DEY CHAT STEADY WITH DI KIDNAPPER GUY

Spread the love

Police according to one newspaper report dey hold ground, dey claim say dem don identify di Army Captain wey order Soja guys, for Ibi-Jalingo Expressway for Taraba State, to attack and kpai (kill) di police guys from Inspector General of Police Special Intelligence Response Team, wey go burst one ogbologbo kidnapper wey dem dey call, Wadume.

Police according to di report, yarn say dem discover say dis very Army Captain so, na paddy paddy im and di kidnapper Wadume be, dem say di Captain and Wadume, from police investigations, between July 9, and August 6, dis year, dem don communicate through telephone 191 times. Police according to di report wey Vanguard kari, yarn say Wadume dey remit give di Captain.

Meanwhile, Defence Headquarters for Abuja, don arrest di Captain and 5 oda Soja guys wey kpai di police guys, di Soja guys dey yarn, during di Defence panel wey dey investigate di mata, say dem get orders from di Captain to kpai di 3 police officers and 2 civilians, say di police and civilian guys na kidnappers wey kidnap Wadume.

Shortlink http://q.gs/EwTHB

You're currently offline