Peoples Democratic Party (PDP) on dey call on di good pipo of Kogi state to shine eye, base on di N10.6billion wey Buhari dey plan to refund to Kogi state govt. few weeks to Kogi Governorship election.
PDP dey task National Assembly, wey Buhari dey try to get approval from, to use dia power wey constitution give dem, divert di N10.6billion take pay Kogi state civil servants and pensioners wey dey suffer.
PDP say dem shock wey Buhari say he wan refund money wey Kogi govt. spend on Federal project for di state, dem say make both Buhari and Guvnor Yahaya Bello, show di world any federal project wey dem spend dis money put inside di last 4years?
For di statement wey PDP tori man, Kola Ologbondiyan, sign, he yarn say Buhari wan endorse corruption for Kogi state. PDP say Buhari nor go fit talk say he nor know say Guvnor Bello dey owe Kogi workers salary, he say any attempt to give Guvnor Bello now wey election dey come, na dagbo, make Kogi pipo shine eye.