Di Director General of NYSC, Brig. Gen. Shuaibu Ibrahim, don cut warning give NYSC members, aka Youth Kopaz, make dem nor dey kari waka kurukere waka, base on se, if dem waka yeye waka, and bad guys kidnap dem, NYSC nor go pay any osusu to kidnappers to free any Kopa from kidnapper hand.
Oga Shuaibu give dis warning, wen he visit otonto Kopaz for Katsina state orientation camp. Di tori pesin of Katsina state NYSC, for di statement wey he dem give journalist, say DG dey advise Kopaz, make dem avoid kurukere waka, during their service year. He advise dem to make sure se dem don enter house lock door lates 6:00pm.