NGIGE SAY GOVT. DEY PLAN TO REDUCE DI FAT SALARIES OF GUVNORS AND GOVT OFFICIALS

Spread the love

We Minister of Labour and Employment, oga Chris Ngige, say Federal Government dey plan as dem wan take reduce di fat salaries and allawee of state Guvnors and oda government officials for di kontri.

Ngige break dis news wey make sense, for di meeting wey he do with Nigerian Union of Local Government Employees (NULGE) for im office, for Abuja. He yarn dis talk, as Government dey try reason where dem go see money take pay civil servants di new minimum wage wey govt. don increase.

He say di last time wey dem review salaries of gobt. Officials, na 2011, but Buhari don set up committee, wey both im and Finance Minister, dey head, to reason as dem go take reduce salaries of Guvnors and oda govt. officials.  He say he nor understand wetin Guvnors dey do with hazard and constituency allowance? Wey e be say na di state dey feed dem, he say time don reash to reduce di fat salaries and allawee of govt. officials.

Shortlink http://q.gs/F01Bi

You're currently offline