NFF DON PROMISE TO EPP FIGHT DI LIFE BAN WEY FIFA PUT ON TOP SAMSON SIASIA HEAD

Spread the love

Nigeria Football Federation (NFF) on Monday yarn say dem shock for di news wey break on Friday, say FIFA don place life ban, on top former Super Eagles player and Coachy, Samson Siasia head, base on some dagbo runs wey stain Siasia hand.

FIFA place Siasia on life ban, after FIFA Ethics Committee from dia investigation of Wilson Raj Perumal, wey dem don convict of match fixing, discover se Siasia agree to kollet kpaje (bribe) from di match fixer.

Acting NFF presido, Seyi Akinwunmi, on Monday yarn say dem don hand di FIFA report give NFF lawyer to study di report, and advise NFF wetin to do, he yarn say Siasia na great Naija player and coachy dah year, so NFF need to support am, he say dem hope se Siasia fit wash im hand clean from dis dirty wey wan stain am.

Shortlink http://q.gs/Ewnvq

You're currently offline