NAIJA GOVT. DON BOYCOTT WORLD ECONOMIC FORUM WEY DEY HAPPEN FOR SOUTH AFRIKA BASE ON XENOPHOBIA

Spread the love

Base on di paravexing wey dey di whole Afrika against South Afrika, unto di Xenophobia attacks against oda black Afrikans wey dey dia kontri, Naija don join di list of oda Afrikan kontriz wey say dem nor go attend World Economic Forum, wey dey happen for Southy.

According to di tweet wey Bashir Ahmad, Buhari social media guy post, he say we VP, Prof. Yemi Osinbajo, suppose go fly Naija flag for di forum, but base on di attacks on Nigerians wey dey Southy, we don vex, and we nor go attend di forum again.

Di governments of DR Congo, Rwanda and Malawi, bin don issue statements say dem nor dey attend di forum too, base on se dem dey vex for Southy.

Meanwhile, anoda gist, wey dey like rumour, talk se Presido, Buhari, dey also reason to call back Naija Ambassador to Southy too.

Shortlink http://q.gs/ExbTy

You're currently offline