Aso Rock don reply di General Overseer of Latter Rain Assembly, Pastor Tunde Bakare, call on Buhari to start to arrange di pesin wey go take ova from Buhari as Naija Presido, from 2023.
Pastor Bakare wey be Buhari running mate for 2011 election wey Buhari lost, on Sunday for im church, during di sermon wey he be state of di nation address, tell Buhari to arrange di pesin wey go take ova from am, so dat one omila politician from nowhere no go take ova, as dat go mean se all di corruption fight of Buhari go dey in vain.
But Buhari through bro Femi Adesina, wey one of Buhari tori guys, yarn say no need, base on se di decision of who go take ova from Buhari, na Nigerians go make dah decision.
Adesina for Channels TV on Monday yarn say Buhari for like arrange successor plan of pesin wey go take care of Buhari legacy, but he say Buhari na democrat, and he nor go like to interfere for election, make Nigerians vote who dem want. he say Buhari go arrange free and fare election, as for to pick successor, no way.