NA BIG LIE ARMY NOR BURY ANY 1000 SODJA OR EVEN GET ANY CODED GRAVEYARD – ARMY DENY WSJ ALLEGATION

Spread the love

Wall Street Journal (WSJ) for one new report wey dem just publish, dey claim Naija Army, get some secrete graveyard, for Borno state, wey dem don bury 1000 Sodja, wey kpai, for di fighting with boko boys, for North East, but Naija Military don deny di report with speed say di report na very big lie.

According to di WSJ report, dem claim say Naija Army, dey hide bury awa fallen Sodja guys, on code in di night, make world pipo for nor know se hand dey toush Nigerian Army for di fight with Boko boys for North East. WSJ claim say Army get one big land for Maimalari Army barracks wey Army don bury 1,000 Sodja guys wey boko boys fall, dem claim say dem get dis story from some Army guys, diplomats and senior government officials.

Defence Headquarters (DHQ), with speed deny di WSJ report, according to di statement wey Colonel Onyema Nwachukwu, wey be Director Defence Information for DHQ, publish, he say nothing like say Army get secrete cemetery, he say di cemetery wey WSJ talk about, na di military cemetery for Naija Armed Forces wey dey Maimalari military cantonment, he say Military get rich and solemn tradition wey dem take dey bury fallen heroes.

Oga Coln. Nwachukwu say make we disregard di WSJ report, base on se na ‘figment of di imagination of di pesin wey write am.

Shortlink http://q.gs/Evskp

You're currently offline