METUH SAY NA JONATHAN GIVE AM N400 MILLION NOT DASUKI

Spread the love

Di former tori man of PDP, Olisa Metuh, wey EFCC dey press im neck se he chop N400 million from former National Security Adviser, Colonel Sambo Dasuki, don tell court today for Abuja say di N400 million, wey EFCC dey talk about, ma we former Presido, Goodluck Jonathan give am di money for some national assignment.

Metuh tell di court say Goodluck give am di money to kari out some assignment for di kontri, he say di money concern PDP or campaign as EFCC dey try prove, he say na his company, Dextra Investment Ltd, nai run di package for Naija government den, and e no get as he for take think se money wey come from Jona wey be presido den, na dagbo money.

He say he do some meetings with Jona, and dem reason some wahala wey tie di kontri wrapper, and na base on dat, Jona waya di N400 million make he take kari out di assignment.

You're currently offline