Naija Government don draw ear dey warn United Kingdom, United States, and European Union make dem behave diasef, and avoid Naija and stop to talk for awa mata.
Dis warning come Wednesday, wey bros Femi Adesina, wey be Special Adviser on Media and Publicity to we Presidom Muhammadu Buhari, appear as guest for Politics Today on Channels Television, he say make US, UK and EU face dia front and mind dia business, make dem go fess solve dia own internal problems for dia kontriz, before dem tell us anything. He give dis response wen dem ans am about di allegation of human rights abuses wey Govt. dey commit, especially against Sowore.
Meanwhile, Senate say dem wan investigate di invasion of court, by SSS guys, wey go rearrest Sowore.