LAGOS GUVNOR SAY MAKE CHURCH AND MOSQUE NEVER OPEN BASE ON DI INCREASE OF COVID-19 FOR LASGIDI

Spread the love

Bad market for pipo wey don iron dia church clothes, polish dia shoes, dey ready for Sunday service dis next Sunday for Lagos, base on se Lagos state Government don suspend di plan to open religious center, aka church and mosque dis weekend.

According to di state Guvnor, Babajide Sanwo-Olu, for di press briefing wey he run on Tuesday, he say make church and mosque pipo nor vex, but dem nor go fit resume again dis weekend. He say with di level wey di Coronavirus take dey increase for di state, in di recent days, conscience nor go let dem open religious center as dem bin don plan dis weekend.

He say for now, worship centers remain closed, till further notice, but dem go continue to observe tins, and let Lagosians know wetin dey sup.

You're currently offline