I NOR SUE TUBABA AND FAZE, I ONLY WARN DEM MAKE DEM NOR PERFORM ANY PLANTASHUN BOIZ MUSIC FOR RUGGEDMAN SHOW – BLACKFACE

Spread the love

E clear se di tin wey dey pepe Blackface for body still dey pepe di singer, base on di warning wey he cut give his former bandmates, Tubaba, Faze and rapper Ruggedman.

Di truth be se news break se Blackface don sue Tubaba, Faze and Ruggedma, but Blackface dey deny say he nor sue dem, according di interview wey Blackface run with Vanguardng, he say di letter wey he write to Tubaba, Faze and Ruggedman, he only dey warn dem say make dem nor perform Plantashun Boiz songs wey im, Blackface write or any other Plantashun Boiz music for Ruggedman show, ‘The Foundation Concert and Awards’.

He say if dem read his letter very well, dem go see se na just warning he warn dem, he say di very show, get both Tubaba and Faze, so e nor go make sense make dem perform Plantashun Boiz songs, wey dem nor engage Plantashun Boiz for di show, he say if dem perform Plantashun Boiz songs, dem buy market be dat, because dat go amount to infringement, he say copyright to Plantashun Bois music belong to di group and not anybody.

Wen dem ans Ruggedman to comment on di mata, he say he nor get any comment to make, say right now, he dey very busy dey plan his show, but he fit talk put for di mata leta, wen he dey less busy.

Shortlink http://q.gs/EwrDG

You're currently offline