HIGH COURT FOR KANO DON ORDER GANDOLA MAKE HE WAITE FESS BEFORE INAUGURATE NEW EMIRE

Spread the love

We just hope say he obey dis time, but High Court for Kano state, on Tuesday, don give order to di state Guvnor, Abdullahi Ganduje, aka Gandola, make he never inaugurate di new emirs for di new emirates wey dem just create again for inside Kanu emirate, without consulting di current council emirate.

As a mata of fact, di state Guvnor bin don already arrange di new emirates, but court knack di Guvnor and di new emirs akpako. So di state Assembly, con re-package di same new emirates, and di Guvnor don sign am into law.

But some kingmakers for Kano, don drag di case go court again for wetin oyinbo dey call “ex-parte motion” and Justice Ahmed Badamosi, don grant interim order, make di Guvnor, press pause fess, make court for look into di mata. Di court adjourn di mata to December 17.

Shortlink http://q.gs/F3LH9

You're currently offline