National Leader of the APC, Bola Tinubu, aka Jagaban don finally add im voice ontop di mata of South Western Security Network, aka Amotekun, wey di Guvnors from South Wester states, arrange to secure di area, base on di many controversy wey di Amotekun don cause for di kontri since dem launch am.
According to Tinubu, di Guvnor of South Western states and we Attorney-General and Minister of Justice, Abubakar Malami, need to bench ontop round table and dialogue dis Amotekun mata. He say all di energy wey everybody dey use dey talk plenty opata yarn, nor go favour anybody.
He say some pipo dey yarn say Federal Govt. wan oppress South West region, some odas dey yarn say Amotekun na risk wey fit threaten Naija unity, but all di plenty talk don too mush, dem don even dey kari politics enter di mata and e nor make sense, na to dialogue go win am.