FEDERAL GOVERNMENT SAY DEM WAN INCREASE VAT FROM 5% TO 7.2%

Spread the love

Nigerians make una ready to remit more give Government, base on se Federal Executive Council (FEC), on Wednesday for di very first FEC meeting wey Buhari go run with im new ‘Next Level’ ministers, don agree to increase Value Added Tax (VAT) from 5-7.2 per cent.

Even though dem never agree wen dem go start to kollet dis small kpaje from Nigerians, we Minister of Finance, Budget and National Planning, Zainab Ahmed, yarn newsmen for Aso Rock after di FEC meeting, say dem go fess run some consultations for di mata, she dem dem need to reason with states and National Assembly, base on se dem go need NASS to amend VAT Act first, before dem fit start to kollet di VAT, hopefully from 2020.

She say dem need dis increase, on to se, Fed. Govt. dey kollet 15 per cent from di VAT, while states and Local Govt. dey share di remaining 85 per cent, she say now wey eye dey red, states need di kpaje, to epp dem pay di new minimum wage.

Shortlink http://q.gs/Ey7Ou

You're currently offline