E dey like se Christmas for Naija civil servants go groove, base on se, Federal Government don set to start to pay di new minimum wage, and dem plan to pay from April 18, 2019, wen Buhari sign di new minimum wage enter Naija law.
We Minister of Labour and Employment, oga Chris Ngige, break dis good news give journalist for Aso Rock, after di week Federal Executive Council (FEC) meeting, wey we Vice Presido, Prof. Yemi Osinbajo preside over.
Ngige yarn say, base on di agreement wey Fed. Govt. don agree with Labour on di salary adjustments, govt. don order National Salaries, Incomes and Wages Commission to start di payments of di new minimum wage, he say dem go start to pay from April 2019, and govt. go make sure se workers receive all di arrears on or before December 31th. He also say dem don forward dis new adjustment to states and private organizations, so dat dem too go start to pay dia workers.
Dis new salary scheme so, go cover Youth Kopaz.