FED. GOTVT. DON RAKE SAY NAIJA NOR GO PAY SHISHI TO IRSIH COMPANY P&ID FOR ANY FAILED GAS CONTRACT

Spread the love

Naija Government on Tuesday don come out dey threaten say Naija nor go pay shishi give Irish company, Process and Industrial Development (P and ID), wey UK court don award say make we Government remit $9.6 billion give di company, as damages for di failed gas contract wey di company sign with Ministry of Petroleum.

According to di joint press conference wey Minister of Information, Lai Mohammed, Minister of Justice, Abubakar Malami, Minister of Finance, Budget and National Planning, Hajia Zainab Ahmed and CBN Guvnor, Godwin Emefiele do for Abuja, dem claim se di contract wey Ministry of Petroleum sign with P&ID, get K leg.

Dem say in di first place, Ministry of Petroleum nor dey produce gas, if at all se any organization go sign any gas contract for Naija Govt., na NNPC and not Ministry of Petroleum. Dem also yarn say di Irish company dey claim say dem don spend $40 million, but no evidence to prove say di company pend or invest shishi for Naija. Dem say some pipo wey get hand for di signing of di contract, kolabo with di Irish pipo arrange di contract to fail, so dat dem fit dagbo Naija Govt., but dia plan don fail, as Naija nor go pay shishi or even remit any asset give di company.

Ministry of Petroleum under Rilwanu Lukman as minister for 2010, wey we former Presido, Yaradua nor well for Saudi Arabia, sign di contract with di Irish company to run some gas shows for di kontri, but some how, di contract fail, den di company kari Naija go court for UK and US, UK court inside 2017, say make Naija pay di company $6.597 billion, for damages, na dah $6.5billion so, don get belle burn interest wey don reash $9.6billion so.

Shortlink http://q.gs/ExCCX

You're currently offline