FALZ DI BAD GUY PAPA DEY ANS SEN. SARAKI TO RETURN DI PENSION WEY HE DON KOLLET AND DI HOUSE WEY KWARA STATE GIVE AM FOR ABUJA

Spread the love

Falz di bad guy papa, Femi Falana, don commend awa Senate Presido, bros Bukola Saraki, unto di bold step wey he use write to Kwara state government to stop to pay am pension as former guvnor, after Socio-Economic and Accountability Project (SERAP), shout barawo untop all di former guvnors wey dey kollet pension plus monthly allawee as Senators or ministers.

Di Human rights lawyer, dey ans Saraki to go a step further and return all di pension wey he don ever kollet since 2007 wey he enter Senate. He say make Saraki also return di house wey Kwara state govt. buy for Saraki for Abuja, base on se as Senate Presido, Fed. Govt. dey pay Saraki house allawee.

Last last, he dey also call on Saraki to tell other 20 Senators, wey be former guvnors too, to stop to kollet pension from their states.

You're currently offline