Femi Falana, wey dey stand as lawyer to Omoyele Sowore, say SSS don start to search for fresh evidence, wey dem go use arrange fresh charges ontop Sowore head, to justify why dem nor wan release Sowore.
Sowore inside last week, manage meet di bail condition wey court grant am, but since den, SSS dey play hide and seek with di #RevolutionNow protest leader. Na two times now, court don order SSS to free Sowore, but SSS nor wan use dia church mind.
On Friday, di tori guy for inside SSS, Peter Afunanya, yarn say SSS don get di court order to free Sowore, but nobody show up to pick Sowore up, na why dem never release am, as he yarn dat opata, lawyers, family and friends of Sowore converge for SSS on Saturday morning, to receive Sowore, but nothing.
Now some NGO and CLO dey plan #FreeSowore protest for SSS office today Monday for Abuja.