EFCC DON RELEASE FORMER DSS OGA, ITA EKPEYONG, HOURS AFTER DEM ARREST

Spread the love

Economic and Financial Crimes Commission, aka EFCC guys, bin arrest di before before oga at di top, aka Director-General (DG) of Department of State Services (DSS), Ita Ekpeyong, on Thursday, but some hours after di arrest, dem don release Ekpeyong.

Dis arrest so dey come, after we Acting Presido, Prof. Yemi Osinbajo, sack di last DSS oga at di top, Lawal Daura and replace am with, Matthew Seyeifa.

EFCC guys bin fess try to arrest oga Ekpeyong, for November 2017, but some DSS guys, chase dem away for di drama wey turn national disgrace, and up till dem faya (fire) Daura, fear nor let EFCC go back to Ekpeyong house, to avoid stories dah toush. e be like se oil from di Osusu wey miss, under Dasuki as National Security Adviser, stain Ekpeyong hand, and na wetin EFCC wan make Ekpeyong con explain be dat.

Now we nor sure why dem release am again, just hours after di arrest, because EFCC bin declare Ekpeyong wanted.

You're currently offline