D’TIGRESS OF NAIJA BEAT SENEGAL BABES TO WIN 2019 FIBA AFROBASKET BALL CHAMPIONSHIP

Spread the love

At a time wen men wey dey rule di kontri continue to fail us for leadership, we gehs for sports dey give us good news, as awa gehs, D’Tigress of Naija beat Senegal 60-55 to take win 2019 FIBA Afrobasket Ball Championships for Dakar, Senegal.

Awa korret babes wey win di last edition of di championship for 2017, win di 2019 edition to make am di fourth time wey Naija don win di championship. Awa gehs win di first quarter with 14-10 points, second and third quarters with 18-14 and 18-13 points, but di Senegal babes try to show diasef for di fouth quarter, den win awa babes with 18-12 points, but e dey too late, as di game end 60-55, to favour D’Tigress.

Shortlink http://q.gs/Ewl49

You're currently offline