Online news site, Sahara Reporters, on Thursday publish wetin dem call report we DSS submit give Buhari and EFCC, on di bribery allegation wey dey on top di head of di National Chairmo of APC, Adams Oshiomhole, aka Oshio, and di report claim say Oshio kollet bribe of up to $55million from aspirants from APC primaries.
According to di report, DSS dey suggest make Buhari arrange Oshio for prosecution, base on se Oshio hand nor clean at all, di news story even talk say di money wey Oshio kollet as kpaje, fit reach up to $80million, and na dis very dagbo runs bin make DSS interrogate Oshio few weeks ago.
Oshio don deny di allegation, but we dey wait for DSS and Aso Rock to make official statement weda di gist na true or not.
See di break down source of di money according to Sahara Reporters:
|Hope Uzodinma||APC Governorship Candidate, Imo State||$3 million|
|Rochas Okorocha||Governor of Imo State||$500,000 (Rejected)|
|Dapo Abiodun||APC Governorship Candidate, Imo State||$5 million|