Two sisters, Susan and Helen don buy market after dem accuse Davido, of impregnating Susan and refuse to take responsibility.
Di babes obviously dey find attention, but market don fall press dem, as Davido don threaten to sue both of dem for N30billion. Di babes for di video, claim say Davido manager, Lati introduce Susan to Davido for Eko Hotel, after which she run tins with Davido. She claim say she lata discover say she don get belle, and try to reach di singer, but Davido dey lock up.
After di video go viral, Davido give N1million offer for anybody wey fit epp am reash di gehs, after which he threaten to sue di babes. As soon as Davido threaten to sue dem, dem don release anoda video, dis time, dem dey beg say na joke dem dey joke, but Davido dey hold ground say dem must shit di N30billion for Kirikiri.