Di lawyer to former National Security Adviser, Col. Sambo Dasuki (retd.), Barr. Ahmed Raji (SAN), don confirm say Dasuki don meet di bail conditions, wey Abuja Federal High Court give am July 2, 2018, so dem dey expect DSS to use their church mind behave well and free di former NSA.
Barr. Raji, according to report for PUCHng, yarn say di Deputy Chief Registrar of Federal High Court, confirm for letter Dasuki say Dasuki don meet di bail conditions, he say dem go present di letter give DSS wey don hold Dasuki since December 29, 2015, today Tuesday and dem expect DSS to behave demsef, and respect di court order.