COURT DON KARI DIEZANI MADUEKE SHINY-SHINY $40MILLION JEWELLRIES GIVE FED. GOVT.

Spread the love

Anoda bad market don fall fall press we former minister of Petroleum Resources, madam Diezani Allison-Madueke, as High Court for Lagos, today Tuesday don order Federal Government, to permanently kollet all di expensive bling-bling jewelries, wey worth $40milion, wey EFCC burst for her Asokoro-Abuja house.

Di court judge, Justice Nicholas Oweibo,for di judgement yarn say, Diezani fail to prove to di court, why she nor go forfeit di jewelries give Fed. Govt.

EFCC for di case, yarn di court say, from di investigation wey dem run, dem discover say, all di money wey Dieziani receive as salary as minister, nor reash to take buy all di bling-bling, wey she buy, dem say dem sure se na from some dagbo runs wey she run, she take get di money wey she spend to buy di jewelries.

Di former minister wey dey currently take fresh air for UK, through her lawyer, challenge EFCC say dem nor get right to burst her house and seize her jewelries, but her case nor hold water, as di court rule in favour of EFCC.

Shortlink http://q.gs/Ey00I

You're currently offline