COURT DON GRANT EX NSA DASUKI ANOTHER BAIL WITH N200 MILLION

Spread the love

If DSS go obey dis order we nor know, but Federal High Court, for Abuja today Monday, don re order DSS to free awa (our) former National Security Adviser (NSA), Col. Sambo Dasuki (retd), from DSS prison wey Sambo deon dey inside now for close to 2 years.

Di court judge, Justice Ijeoma Ojukwu grant Sambo bail with N200 million with 2 sureties, after Sambo lawyer drag Naija government go court, for abuse of his human rights, demanding N5 billion as damage, base on se both Naija and ECOWAS court don grant am bail, but DSS refuse to free Sambo.

Di judge refuse to grant Sambo request of N5 billion as damage, but she yarn say make DSS free Sambo, base on se government argument se Sambo freedom go be threat to national security, nor hold water at all, she tell DSS say, if dem want Sambo for any investigation, make dem invite Sambo, and kweshun (question) am between 9am to 6pm, if not dem go get problem.

You're currently offline