BUHARI SAY NIGERIANS NOR FEEL IMPACT OF N1TRN WEY NASS DON KOLLET FOR CONSTITUENCY PROJECT IN 10YRS

Spread the love

We Presido, Muhammadu Buhari don blow whistle on di two houses of National Assembly, say Nigerians never feel di impact of di N1 trillion wey members of Senate and House of Assembly, dey kollet for constituency project, in di last 10 years.

BUhari brake dis news, for di two day summit, wey Independent Corrupt Practices and related offences Commission (ICPC) arrange, for top level government officials, for Abuja.

Buhari para give di National Assembly guys, he say if we go round di kontri, even if you kari torch light, you nor go see wetin NASS guys develop as constituency project, he say pipo wey dey village suppose dey feel di impact, but no way.

Buhari direct ICPC, make dey use koboko chase di contractors, wey don kollet osusu and suppose implement projects, for rural areas. He thank ICPC for di work wey dem don already do for ground, wey don make about 200 contractors, return back to site to finish work wey dem kollet money for.

Shortlink http://q.gs/F234O

You're currently offline