BAD MARKET FOR UK PRIME MINISTER BORIS JOHNSON AS IM BRODA RESIGN FROM UK GOVT.

Spread the love

Market continue to fall press British Prime Minister, Boris Johnson, as im broda, Jo Johnson, wey be minister, don resign from Boris cabinet as minister of universities and science, base on se Jo say national interest come first, before family interest.

Boris Johnson, dey fight di fight of his life, base on how he wan take remove UK from European Union without any deal, by faya, by force. But di opposition against a “No Deal” Brexit, continue to press Boris.

His own blood broda, Jo, wey suppose dey support am, don run leave his government today Thursday morning, he say for some weeks now, he don dey struggle with family loyalty and national interest, base on se, he nor in di first place support di Brexit mata, as Member of Parliament, he campaign against UK exit from EU for 2016, he say make he kukuma resign dan to dey government wey he nor believe in.

For dia family, Jo, im sister, Rachel and dia papa, Stanley Johnson, all no support Brexit, na only Boris, dey support am.

Shortlink http://q.gs/ExfZ1

You're currently offline