ATIKU COUSIN UMAR ARDO SAY HE PAY $15,000 WITH BITCOIN BEFORE KIDNAPPERS FREE IM PIKIN

Spread the love

E clear now se kidnappers for Naija, don enter next level, I say dem don go digital, as di bad guys wey kidnap, PDP big boy, Umar Ardo, pikin, Ai’shat Umar Ardo (Ummi), use bitcoin take kollet di ransom money, before dem free di babe.

According to oga Ardo, wey be cousin to Atiku Abubakar, he say after di bad guys, kidnap im daughter for front of Blinkers Supermarket, for Asokoro Abuja on Saturday, dem call am, tell am to behave imsef, and send $15,000, with Bitcoin, before dem go free im pikin.

He yarn Daily Trust, say he yarn dem say, he nor sabi use bitcoin o, but dem tell am to find way to learn, he say he make some controls, and as soon as he remit di money with bitcoin, dem call am lata dat night to pick her up for drumstick for Gwarimpa.

Shortlink http://q.gs/EyPpG

You're currently offline