ASO ROCK DON YARN SAY NOR YAWA BETWEEN BUHARI AND OSINBAJO

Spread the love

Base on di rumour wey dey fly everywhere say we Presido, Muhammadu Buhari get beef with Vice Presido, Prof. Yemi Osinbajo, Sen. Babajide Omowurare, wey be Senior Special Assistant to we Presido, on National Assembly tins, don clear di air say nothing like beef for inside Aso Rock.

Wetin dey fuel di rumour actually, na as Buhari discharge enter London, without transmitting of letter to National Assembly, make Osinbajo for be Acting Presido, as Buhari bin dey do each time e wan travel, den for di London wey he for go on wetin dem call ‘private visit’, Chief of Staff, kari di Deep Offshore Act go meet Buhari for London to sign, so some Nigerians dey suspect say be like say cabal guys dey do Osinbanjo, di tin.

But Sen. Omowurare, yarn journalist say nothing like yawa between Buhari and Osinbajo, he say as a mata of fact, Buhari fit preside ova Naija from anywhere, so di news say yawa dey Aso Rock, na opata yarn.

Wen den ans why Buhari nor transmit power give Osinbajo to act, di guy man, lock up like deaf and dumb.

Shortlink http://q.gs/F1Fri

You're currently offline