AISHA BUHARI SAY MAKE MILITARY ARRANGE WOMEN TO WAR FRONT TO FIGHT BOKO BOYS AND INSECURITY

Spread the love

Time don reash for we women wey dey military, to come out from “zda ozda room” and dia kitchen, kari gun to fight boko boys and oda bad guys wey dey threaten di security of we kontri, if di tin wey we first lady, madam Aisha Buhari yarn for di women peace and security, one-day conference, wey Defence Headquarters, arrange for National Defence College, Abuja.

Madam Aisha Buhari, wey madam Hajo Sani, represent yarn say she nor like di law wey be se military dey only send military women to work for only office like finance, human resources, personnel, logistics, medical services and welfare.

She say Naija dey suffer dis level of insecurity base on se military nor dey gree use potentials wey women get, she say female get patience, passion plus including perseverance, she say make military re-arrange dia laws, so dat dem fit send women to war front and fight like dia men dey do. She say na discrimination against women, to limit dem to only office.

Shortlink http://q.gs/Ey8x0

You're currently offline