We nor sure exactly wen e happen, but Nollywood actress Toyin Abraham, don welcome baby boy, with fellow movie maker, Kolawole Ajeyemi. Pishure of di actress and her guy wey some pipo dey claim say be her husband, burst out during baby shower.
As soon as di news break, celebs don dey send congratulations messages to di actress and her man. Her ex husband, Adeniyi Johnson and im babe, wey also dey movie industry, join congratulate di actress. Oda celebs wey join send congratulation message na, Iyabo Ojo, Fathia Balogun and Toke Makinwa.